الشاعرملا عطية
المناسبة
حبيب ابن مظاهر الأسدي
لغة القصيدة
عامية
عدد الأبيات
١٣
lightbulb
lightbulb
يا حبيب ابن البتولة لا تخلي نصرته
يا حبيب ابن البتوله لا تخلي نصرته
ابكربلا ايقولون ظل محصور بهله واخوته
ابكربلا يقولون شبل المرتضى حط الخيم
ماله ناصر يا حبيب وعنده اطفال وحرم
وچان راح حسين ما يرتفع للشيعه علم
ترضى ليه بالخدر وحسين تسبى نسوته
وقفت اتنخي وتخمش للخدود المفرعه
انجان ما تنهض ابهمه وتطب ذيج المعمعه
جيب لعمامه يبن عمي وخذها لمقنعه
وظل حبيب ايعاين الها وغصب هلت دمعته
صاح ما يحتاج هالنخوات بطلي امن الحنين
أنا عبد ابن الرسول وعبد امير المؤمنين
ذاب قلبي من سمعت ابكربلا خيم حسين
واسمع ايقولون جيمان الأعادي حاطته
ما حلى ذيج الشمايل يوم طب الكربلا
وطلع عباس البطل بولاد اخوه يستقبله
مرحبا ايقله الشهيد وزينب اتقله هلا
وصل مستبشر لبو سكنه و تناول رايته
جاه من زينب سلام و مدمعه بالحال سال
واقبل ايسلم على الحورا وعلى ذيج العيال
صاح يا وسفه يزينب تركبين على الجمال
حيته بحسن تحيه وسر قلبها بنخوته
صاح زينب يالذي من قبل جنتي امدلله
اتروح شيعتكم طبق فوق الصعيد امجدله
أرواحنا تطلع ولا تركبين ناقه امهزله
فدوه لحسين الشفيه اتروح كلها شيعته