الشاعرموسى جعفر خليفة
الرادودحسين عادل منصور
العام الهجري
١٤٤٦هـ
المناسبة
استشهاد الإمام الجواد
لغة القصيدة
عامية
عدد الأبيات
٤٠
فيديو اليوتيوب
lightbulb
lightbulb
جينا بدمعات
وا ويلا وا ويلاه
جينا بدمعات وآه
عالمظلوم
عالمسموم
{١}
على كل مأساة
بقت الدّمعات
دم يجري جاريها
ذبلت لنفوس
بفقد لشموس
ما يخمد لاظيها
في أرض بغداد
ألم وينعاد
من ينعى ناعيها
غدرت لزمان
ونشبت أحزان
بامصيبة واليها
بألمنا جينا انواسي هالعتره الما راعوها
ورفعنا جنازه بغداد أيام وما رفعوها
بأساها اتذكرنا اجنازه ملفوفه ذبوها
بأغلال وعنها الأقياد الصعبه ما شالوها
عند جده حفروا تراب
نبجي غياب اعلى اغياب
ذِبنا اليوم
عالمسموم
{٢}
جمر افّادي
في أبو الهادي
وأحشائه المشعوله
جرع الآلام
بقى جم أيام
والجثه مهموله
وجع ابكل روح
بقى منها ايفوح
طيب وما حضروا له
غمر ابغداد
وبجت الأولاد
الزهرا المثكوله
رحل ابغربه وصارت في غربه من فقده الشيعه
رحل وضيعه يا هي من بعده حسرات وضيعه
بجوار الكاظم جده قبره ويصعب توديعه
وصل اويا وسفه اتأخر امن الظالم تشييعه
قولوا له شلي صار
اشسوى سمّ الغدار
نار اهموم
عالمسوم
{٣}
قسى جور اعداه
منو كان اوياه
وانفاسه من تتعب
كبرت لهموم
فتكت لسموم
قلبه نار اتلهب
سرت الأوجاع
وكتبت لوداع
منها ظل يتعذّب
بدت الآهات
وعلت الونَات
لجله الدنيا تنحب
عجب اعلى الي من نور الهادي والزهرا نوره
عجب اعلى حامي شرع الله وآياته بكل سوره
بقت اسموم الطاغي تسري باحشائه المسجوره
دنت الساعه وسلمها لله المهجه الفطوره
ناحت لجله الأفلاك
أدمى قلب الأملاك
حسره اتحوم
عالمسموم
{٤}
نزلت لهوال
على كل الآل
ضاعت هاذي العتره
مهج المختار
وحجج الجبار
علمه وبابه وسِرّه
هدى للمحتار
عصم الأبرار
قرآن الله وذكره
شعبوا هالرّوح
وفي أساها اتنوح
من همهما ما تبرى
في جواد العتره انعادت لمحات العاشر كلها
بقى أيام وقبله جثة جده من غسلها
على حر الغبره اموزع محد جاه وعدلها
ولا واحد جاب الماي ابإيده وروّى ذابلها
جينا انودعه والعين
اعليه تبجي واعلى احسين
تبجي ادموم
عالمسموم