الشاعرخليل آل إسماعيل
الرادودأحمد فيصل المؤمن
العام الهجري
١٤٤٦هـ
المناسبة
(٧ محرم) - العباس ابن علي
لغة القصيدة
عامية
عدد الأبيات
٤٥
تحميل ملف القصيدة
فيديو اليوتيوب
lightbulb
lightbulb
اعذرني يالوالي
اعذرني يالوالي
خيّب آمالي النهر
اتصوبت عيني
گطعو ايديني
وخيب آمالي النهر
{١}
يا أبو السجاد
الأمل كلّه انتهى وما ظلت أنصار
سيدي اعذرني
عن وصول الماي أخبرك ماكو أخبار
روحي خجلانه
وأعتذر وادري بعد ما تنفع أعذار
انهشم راسي
وفكرة الماي انتهت خل تدري الصغار
ما تجاوزت السهم
وعالثرى طاح العلم
وطاحت الگربه
كلها عالتربه
ما گُمت لك سيدي
وانت شايف مشهدي
طاحت زنودي
وانخرگ جودي
واعتذر لو قصّرِت
خويه ياريت ارجعِت
وگربتي اويايه
وحامل الرايه
بس منعني هالعمد
ما بگى عندي جلد
دامي عالغبره
وحسرتي حسره
عن ملاقاتك
خويه گلبي ماصبر
اتصوبت عيني
گطعو ايديني
وخيب آمالي النهر
{٢}
يا ابو الاكبر
سيدي ممكن طلب؟ ترجع للخيام
واوصل الخيمه
خل رضيعك يقتنع يا بو علي اينام
طفلك الغالي
يمكن اترويه أمّك بينِ الاحلام
گله ما يرجه
وخلّه ينسى الماي وخل يجهز للآلام
هز في مهده يا حسين
شيله مابين اليدين
وگله ما تروى
ونظرتك سلوى
يمكن ايخف البچي
لو سمع منك حچي
خويه سامحني
والعمد فتني
خبره عن غدر النهر
خبره عن عين ونحر
والله مو بيدي
والله يعضيدي
هذا گاطع يمنتي
هذا گاطع يسرتي
وصوبو عيني
فضخو اجبيني
ادري بس ساعه
وينگطع مني النحر
اتصوبت عيني
گطعو ايديني
وخيب آمالي النهر
{٣}
من تناظرني
لا تشيل الجثّه خلني فوگ التراب
تدري باحساسي
خايف امن اسكينه والله وآنا منصاب
خويه ياخويه
من تسايلني شرد؟ ما عندي اجواب
بنتك ارقيه
طفله بس صعبه عليها هاي الاسباب
من تجيني بالظما
وآنا بعيوني العمه
شرد اجاوبها
خاف اعذبها
وهيّه ذابحها العطش
والگلب منها ارتعش
والله ما اقدر
يا ابو الاكبر
خبّر اسكينه بعد
عمچ انصاب بعمد
ومرمي عالشاطي
والسهم ساطي
ما يرد ليش الخيم
آه يشيال العلم
خبر اسكينه
ما يرد لينه
خويه خبرها
لا تتاني اي خبر
اتصوبت عيني
گطعو ايديني
وخيب آمالي النهر