الشاعركريم رضي
الرادودحسين عادل منصور
العام الهجري
١٤٤٦هـ
المناسبة
(٨ محرم) - القاسم
لغة القصيدة
فصحى
عدد الأبيات
٣٢
تحميل ملف القصيدة
فيديو اليوتيوب
lightbulb
lightbulb
أنا الشهيد القاسم
أنا الشهيد القاسم بن الحسن
ما عرسوني بالفرح
وخضابي من دم الجرح
{١}
أنا القاسم تعرفوني
بالمعارك عرسوني
من دمومي خضبوني
العرس قصة حزينة
الشهيد معرسينة
عالمنية زوجوني
أنا القاسم يا شبيبه
قصتي قصة عجيبة
بالكرامة تذكروني
ناصر حسين وهله
في أراضي كربلا
بعد الف وخمسمية
على يوم الغاضرية
بالمنابر شاهدوني
والخطيب يقول قاسم
هذا عريس الملاحم
يا شباب تأملوني
حامل بسيفي ورمحي
لجل إسلامي اضحي
في جهادي انظروني
ما تنسى على مرور الزمن كربلا
{٢}
أنا القاسم في نضاله
الكل شباب يخط رسالة
من أراضي الغاضرية
العمر ما هو القصة
المحب يجرع الغصة
وموتته تصبح هنية
وانا في زهرة شبابي
للشهادة انفتح بابي
روحي العمي هدية
من هتف هل من نصير
صرخ في صدري الضمير
عمي لبيك آنا حاضر
والعرس في الجنة باجر
هذا وعد الهاشمية
احنا اللي طلقنا الدنية
ولجلك الموتة أمنية
والوعد في الغاضرية
ارخصني يا عمي ارخصني
اروي في الميدان غصني
هذا مجد التضحوية
الروح لجلك خل تعوف البدن
{٣}
منهو هالحامل سلاحه
ونور إيمان وسماحة
يطل من غرة جبينه
من حمل وجهه تهلل
بالفرح للموت أقبل
جنه الا زافينه
اسم الله عالطلة يقاسم
وجهك اللي لاح باسم
بالأمل تلمع عيونه
وين رايح يا شباب
هذي سيوف وحراب
وبلسان الحال قاسم
قال انا ابن الملاحم
اللي لازم تذكرونه
من كريم الآل نسلي
ومن ابو الحملات اصلي
ما أظنكم تنكرونه
جيت عن عمي وديني
سيفي يلوح بيميني
والخدر ما توصلونه
جان ما تدرون انا أين الحسن
{٤}
كلها ساعة واللا عمه
واقف ومحتار يمه
مبضع بلسيوف جسمه
قومي يا رملة الوحيدة
جتكم جنازة جديدة
صبي دموعك يا يمه
ثياب عرسي رجعيها
للأبد لا تطلعيها
العرس ما لي الا اسمه
العرس يا يمه صار
ويا موتي في نهار
احنا منذورين كلنا
للحسين يكون اجلنا
هذا اكبر احتفال
ما حلا الشبان صرعى
كل شباب النبل شمعه
وحنته الدم اللي سأل
والكفن ثوبه لمفصل
شنهو احلى وشنهو أجمل
هذا ميدان الرجال
افتخري يا يمه بوليدج ما اندفن