الشاعرحسين المهندس
الرادودعلي سلطان
العام الهجري
١٤٤٦هـ
المناسبة
(١٠ محرم) - استشهاد الإمام الحسين
لغة القصيدة
عامية
عدد الأبيات
٣٦
تحميل ملف القصيدة
فيديو اليوتيوب
lightbulb
lightbulb
ياضي عيني يا عبدالله
يَضَي عيني يعبدالله يَضَي عيني
على نَحرك سلام الله يَضَي عيني
يهالمذبوح
يروح الروح
{١}
أني أُمّك يعبدالله ضَنايه اللي حَملته
في ليل اموادعك دمعي مِن ادمومي نَزَفته
في هالليله الگلُب لجلك على ضلوعي فرشته
ولا لحظه اني ابعُمري دلالك يبني عِفته
ترى امصابك يهِد گلبي يعبدالله ويِفِتّه
إذا باچُر سهم نحرك اني بعيوني شِفته
يِأذّيني ترى امصابك يِأذَّيني
وباچر بالهظُم يبني يِأذَّيني
گلُب مَجروح
يروح الروح
{٢}
أسولِف لك أحاسيسي وسولف ليَّه أنته
أني اشحالي إذا باچر نزيف الدم لَمَحتّه
تِصوَّر مِن يِجيبونك إليَّه وأنته سَكته
فُراگك يبني بالعاشر ابد لا ما حَسَبته
على الأُم الضَنا غالي ونحيبي وش يِسكته
اعذرك يبني لو ظهري ابظهُر عاشِر كسرته
إلى اسنيني أني رِدتك إلى اسنيني
ذِخُر في الدنيا يوليدي إلى اسنيني
عجيبه اتروح
يروح الروح
{٣}
تِطِيل النَظره بِعيونه ومدامِعها تِكلمه
ومِن المدمع يِكلمها يِگلها يمّه يمّه
يِفِل اگماطه رايدها في هاللحظه تِضمّه
ويطِيل اموادع وياها يشمها وهي تِشمه
گبل ما يصبَح العاشِر ويبگى ابجاري دمّه
گبل ما حرمله نحره ابسهم حامي يِهَشّمه
يراويني السهم موتك يِراويني
وابوك ابكسره يتعثر يراويني
يزيد النوح
يروح الروح
{٤}
أنا الظامي يِذبحوني ولا يِرووني گطَره
وعُگب ذبحي الأبو گلبه كسير ومِن يِجُبره
كِفايه مِن أبو فاضِل حَنى بالشاطي ظَهره
عن الأكبر عَن الجاسِم مَجازِر كلها حَمره
وعَجب يُمّه إذا عينش لبو اليِمه تِنظره
إذا شِمر الخَنا جاله وصعد بِنعاله صَدره
أني وويني في هالفجعه أني وويني
على حسين على الصرعى اني وويني
تِطيح صروح
يروح الروح